BBC Etzella Ettelbruck

Dammen verléiren den 3. Match no Verlängerung

Ben PHILIPPE — Fri, 18 May 2012 10:55:32 +0000

Eis Dammen hunn deen drëtten Match vun der Halleffinal Serie géint den Basket Esch no Verlängerung 80:72 verluer. Domadder steet Esch géint Diddeleng an der Final.

Dammen: Entscheedenden Match den 16/05 um 20h30

Ben PHILIPPE — Fri, 11 May 2012 00:54:21 +0000

Eis Meedercher spillen Mëttwoch, den 16. Mee um 20:30 Auer den entscheedenden drëtten Match an der Halleffinall Serie géint den Basket Esch. D’Equipe zielt ob är Ënnerstëtzung. Rendezvous ass also um 20h30 zu Esch!

Eis Dammen spillen Freiden, den 11. Mee 2012 um 19h30 zu Ettelbréck deen éischten Match vun der Halleffinall géint den Basket Esch. Kommt zu zahlreich eis Equipe ufeieren. Si brauchen all ären Support fir dësen wichtegen éischten Match ze gewannen.

Den Supporterclub mécht och nach een Opruff fir déi Leit déi interesséiert sinn eis Equipe mat enger Tromm lautstark ze ënnerstëtzen. Et sinn genuch Trommen do, et muss een just um Match beim Supporterclub nofroen. Déi Leit dei interesséiert sinn eng Tromm an den Grapp ze huelen vir den Match zu Esch, sollen sech entweder beim Präsident vum Fanclub Christian Reuter direkt mellen oder hien um Facebook kontaktéieren, sou dass si wëssen weivill Trommen mussen agepaakt ginn. Et muss och keen sech em den Transport vun dësen këmmeren, dat giff den Fanclub selwer maachen.

D’Etzella Fillettes an Cadets sin Champion

Ben PHILIPPE — Wed, 09 May 2012 09:45:45 +0000

D’Saison 2011/2012 geet sou lues ob en Enn. Nächsten Weekend ass letzten Spilldag. Nodeem eis Fillettes-Equipe schonns d’Coupe gewonnen hat an och schonns als Champion feststoung, hun e Sonndeg 5. Mee eis Cadets de Sack och zou gemaach an duerch eng 60-101 Victoire zu Steesel den Champion-Titel ob Ettelbréck geholl.

Eis Felicitatiounen un di 2 Equippen, Traineren an hiert Ëmfeld. Ween di 2 Championsequipen nach eng Kéier well spillen gesinn kann dat haut Mëttwoch 9. Mee em 19 Auer (Cadets géint Sparta) respektiv e Samsten 12. Mee ëm 14H45 (Fillettes géint Hostert) man

Awer och all eisen aneren Jugendequipen eis Gléckwënsch fir eng flott an erfollegräich Saison.

mhirt

Youth Results Weekend 06/05

Marc HIRT — Tue, 08 May 2012 11:21:40 +0000

OUR FILLETTES & CADETS TEAM END THE SEASON WITH THE LUXEMBURGISH CHAMPION TITLE – CONGRATULATIONS

Espoirs: Sparta – Etzella (68-76)
Cadets A: Amicale – Etzella (60-101)
Cadets B: Etzella B – Esch (55-62)
Scolaires A: Etzella – Contern (98-44)
Scolaires B: Etzella B – Mondorf(20-0) FF
Minis A: Etzella – Esch B (79-17)
Minis B: Etzella B – Esch C (63-16)
Minis C: Etzella C – Larochette (68-45)

Espoires: No Game
Filles Scolaires: Etzella – T71 (57-56)
Fillettes A: Etzella – T71 (65-25)
Fillettes B: Esch B – Etzella B (39-22)

Next weekend last games of the 2011/12 season

Billy Arre wiesselt ob Ettelbréck

Ben PHILIPPE — Tue, 08 May 2012 02:13:55 +0000

Den BBC Etzella huet ob der Auslänner Positioun den Billy Arre fir d’Saison 2012/2013 verpflicht. Den US-Amerikaner kënnt vun der Nitia Beetebuerg, wou hien déi lescht 2 Saisonen gespillt huet.

Den Billy huet 25 Joer, ass 1.99 Meter grouss an spillt ob der Forward Positioun. Fir d’lescht wor hien virun puer Wochen an den Medien, wou him een sensationellen Quadruple-double (34 Punkten, 13 Rebounds, 13 Assists an 10 Steals) gelonge ass.

Foto: Fernand KONNEN

Etzella verléiert ob der Sparta; 97:72

Ben PHILIPPE — Mon, 07 May 2012 20:04:22 +0000

Eis Jongen verléiren deen leschten Match vun der Saison mat 97:72 ob der Sparta. Bei dësem Match, wou et fir eis Equipe em naischt méi gang ass, ass d’Etzella ouni auslännesch Spiller ugetrueden.

Nodeems eis Equipe den Sprong an den Final 4 net gepackt huet, wor dës deen leschten Match fir d’Saison 2011/2012.

Dammen: AB Contern – BBC Etzella: 67:71

Ben PHILIPPE — Mon, 07 May 2012 20:00:20 +0000

Eis Meedercher gewannen hieren leschten Match vum Playoff mat 71:67 zu Contern an ginn domadder als Drëtten an den Final 4. Hei treffen si ob den Basket Esch. Déi eischt Halleffinal get Freides den 11. Mee um 19h30 zu Ettelbréck gespillt.

Hei den aktuellen Programme des Matchs.

Dammen: BBC Etzella – Résidence Walfer: 83:62

Ben PHILIPPE — Tue, 01 May 2012 16:22:28 +0000

Eis Dammen hunn den Weekend Doheem mat 83:62 géint d’Résidence Walfer gewonn.

Etzella: Vainqueur vun der Coupe des Fillettes

Ben PHILIPPE — Mon, 23 Apr 2012 12:44:18 +0000

Eis Fillettes’en hunn den Weekend d’Coupe Final an der Coque gewonn. Um Enn hunn si sech kloer mat 42:31 géint d’Musel Pikes duerchgesat. Domadder belounen d’Meedercher sech fir hier gutt Leeschtungen déi si schonns déi ganz Saison iwwer bréngen.

Am RTL Rebound vum 22/04/2012 fannt dir een klengen Resumé vum Match!

Hären gewannen Doheem géint Walfer

Ben PHILIPPE — Mon, 23 Apr 2012 12:35:12 +0000

Eis Hären hunn um zweet-lëschten Spilldag vum Titelplayoff Doheem no Verlängerung mat 97:94 géint d’Résidence Walfer gewonn.